Iritsi da udazkena eta, berarekin batera, mendiaz, naturaz eta argazkilaritzaz gozatzeko garairik ikusgarrienetako bat. Urriaz geroztik, gure basoak horiz, gorriz eta okrez janzten dira, paisaia bakoitza zentzumenentzako benetako ikuskizun bihurtuz.
Mendizaletasuna gustuko baduzu edo besterik gabe, taldean zein familian irteera berezi bat antolatu nahi baduzu, hona hemen gure inguruarekin bat egiteko hiru gomendio:
1. Aitzondoko ur-jauzi ikusgarria (Aiako Harria Parke Naturala)
Bidasoaldeko altxor ezkutu bat da. 140 metroko ur-jauzi ikusgarri honekin batera, Aitzondoko ur-jauzia sasoi honetan ipuin batetik ateratakoa dirudien baso hostotsu batez inguratuta dago.
Gainera, ibilbideak natura eta historia modu paregabean uztartzen ditu, Irugurutzetako meatzaritza-labe zaharren ondotik igarotzen baita, eskualdeko meatzaritza-iraganaren lekuko.
2. Oielekuko pagadi magikoa (Oiartzun)
Hosto eta zuhaitz lehorrez inguratutako egun pasa bat bilatzen baduzu, Oielekuko pago lepatuen pagadia horretarako leku paregabea da.
Argazkilaritzarako eta haurrekin bisitatzeko egokia, zuhaitz artean arnasten den misterio eta mitologia giroari esker.
3. Aralar Parke Naturalean ibilaldia: Lizarrustitik Guardetxera
Aralar mendilerroaren bihotza, Lizarrusti Interpretazio Zentroaren (GIpuzkoa) eta Guardetxe eremuaren artean, pagadi handi eta ikusgarrienetako bat.
Ez duzu mendiko errepide estuetatik gidatu beharko, ezta aparkalekua bilatzeko denbora galdu beharrik ere:
- Talde bakoitzaren beharretara egokitutako minibusak eta autobusak ditugu.
- Maletero zabala dugu motxilak, mendiko botak eta ekipamendu guztia eroso eramateko.
Pentsatuta daukazue dagoeneko zuen hurrengo mendi-irteera? Eskatu aurrekontua konpromisorik gabe udazkeneko irteera ahaztezin baterako.
Sustitución de tacógrafos financiados por Plan de Recuperación, Transformación y Resiliencia - Financiado por la Unión Europea – NextGenerationEU